Heilsueflandi leikskóli

24. 09. 2018

Tjarnarsel er að nú að hefja sitt annað ár sem virkur þátttakandi í verkefninu HEILSUEFLANDI LEIKSKÓLI á vegum Embættis landlæknis. Við leggjum áherslu á að markmið verkefnisins birtist í framkvæmd í öllu okkar daglega starfi og hugum að andlegri, félagslegri og líkamlegri velferð barna og starfsmanna. Heilsuteymi Tjarnarsels sér um að markmiðum verkefnisins séu fylgt eftir.

Á síðasta skólaári var lögð áherslu á að ná markmiðum verkefnisins í hreyfingu, mataræði og geðrækt. Samkvæmt gátlistum Embættis landlæknis, sem við nýttum okkur til að sjá hverju við höfum áorkað og hvar við þurfum að bæta okkur, sýna niðurstöður að 76% er komið til framkvæmda í þættinum hreyfing, 91% í mataræði og 92% í geðrækt.

Ýmsar birtingarmyndir má finna í leikskólanum eftir síðasta starfsár. Aðgengi barna að vatni jókst með nýjum drykkjarfont sem staðsettur er í álmu eldri nemenda og vatnsglös og vatnskönnur eru aðgengilegar börnunum á yngri deildunum. Vatnsvél var sett á kaffistofu starfsfólks. Matseðlar voru skoðaðir og niðurstöður sýndu að ráðlagður dagskammtur af grænmeti var ekki nægilegur. Til að bæta úr því var ákveðið að auka fjölbreytni í grænmetis- og kryddræktuninni í garðinum okkur sem við teljum góða leið til að fá börn til að smakka mismunandi tegundir af grænmeti og kryddjurtum. Einnig var aukið við framboð og fjölbreytni grænmetis í hádegisverði.

Í heilsuteymi Tjarnarsels sitja Magga á Sólvöllum, Áslaug á Mánavöllum, Guðrún á Ljósvöllum og Inga María sem er verkefnastjóri og stýrir heilsueflingunni.

© 2016 - 2018 Karellen