news

Skemmtilegasta starf í heimi

14. 05. 2020

Það er okkar (nánast) hlutlausa mat að skemmtilegasta starf í heimi standi nú til boða.

Nú leitum við í Tjarnarseli að leikskólakennurum í okkar góða starfsmannahóp.

Óskað er eftir:
* Deildarstjóra í 100% stöðu frá 10. ágúst 2020
* Leikskólakennara í 100% stöðu. Ef ekki fæst leikskólakennari til starfa kemur til greina að ráða starfsmann með aðra menntun eða reynslu sem nýtist í starfi.

Í Tjarnarseli er lögð áhersla á útinám í náttúrulegum garði leikskólans og vettvangsferðir um nánasta umhverfi hans. Einnig er lögð rækt við mál og læsi með áherslu á að efla orðaforða barna í gegnum leik og starf. Tjarnarsel er þátttakandi í verkefninu Heilsueflandi leikskóli á vegum Landslæknisembættis Íslands.
Skólinn tekur jafnframt þátt í samstarfsverkefnum með öðrum leik-og grunnskólum hérlendis og erlendis í gegnum Erasmus+ og eTwinning. Leikskólinn hefur fimm sinnum tekið við Grænfána viðurkenningu Landverndar.

Umsókn fylgi afrit af leyfisbréfi og ferilskrá ásamt upplýsingum um meðmælendur.
Laun og starfskjör fara eftir kjarasamningi Sambands íslenskra sveitarfélaga og KÍ vegna FL.

Allir áhugasamir einstaklingar, óháð kyni, eru hvattir til að sækja um starfið.

Umsóknarfrestur er til 27.maí og upplýsingar gefur ardis.h.jonsdottir@tjarnarsel.is

© 2016 - 2020 Karellen